Dosja e 21 Janarit ka ringjallur debatet në Shqipëri, me akuza e kundërakuza të forta. Mbrëmjen e kaluar gazetari Artan Hoxha është përballur me disa akuza të forta nga Carlo Bollino i cili e akuzoi atë për fshehjen e kasetës së filmimeve të vrasjes së 4 protestuesve para Kryeministrisë.

Sipas Carlo Bollinos, Hoxha kishte ka urdhëruar të gjithë redaksinë e Neës24 që të kontrollonte filmimet në mënyrë që të shikohej mundësia e qëllimit nga trupat e gardës.

Deklarata e Carlo Bollinos:

Kaseta ishte marrë nga kameraman i televizionit dhe ishte futur në xhep të një gazetari që në vend që ta sillte në redaksi për ta transmetuar urgjent siç ishte detyra e tij, e kishte futur në xhep duke mos komunikuar fare as me drejtuesit as me redaktorët:

ose nuk e dinte se çfarë kishte regjistruar, se mund të ndodhë shpesh që kameramanët e lënë ndezur kamerën dhe pastaj rrinë edhe larg nga kamera, dhe ndoshta edhe gazetari nuk e kishte marrë vesh.

Ose ndoshta… unë nuk e di, nuk dua të dyshoj, megjithatë këto pamje kaq të rëndësishme nuk ishin në dispozicion të redaksisë ku duhet të ndodheshin, por ishin në xhep të një gazetari.

Kemi kërkuar ku ndodhet gazetari dhe kameramani: kështu kemi gjetur kasetën, e kemi parë dhe kemi zbuluar më në fund që ne kasetë që ishte harruar brenda një xhepi të një gazetari kishte pamje tronditëse, ato pamje të plota që tregonin tamam ngjarjen.

_________________________________

Pak orë më vonë ka reaguar po aq ashpër dhe me ironi gazetari Artan Hoxha i cili shkruan se nuk e "dorëzoi" kasetën nga frika se ky bënte ndonjë pazar me Berishën.

Reagimi i Hoxhës:

Karlo nuk ka qene fare në Shqiperi në 21 janar 2011. Ku ka qene, ta thote vetë. Videon e 21 janarit nuk ka patur mundesine ta shoh as në teleskop, dhe per kuriozitet une nuk ia kam dorezuar kurre as Prokurorise…

Ky Karlo dhe drejtuesit e tij në Tirane me 21 janar, jo vetem qe nuk me kane kontaktuar në asnje moment ate dite, por as e kishin haberin ku isha une, cfare po beja, dhe cfare kasetash apo pamjesh kisha në xhep. Sepse po ta dinin do kishin bere pazar me Sali Berishen….

Hej Karleto, dikush me ka futur nje kasete në xhep pa mendje. Duhet te jete nje scoop i madh, se une nuk marre vesh nga kjo pune. Ma dergo Denisin, te ma marre te xhepi dhe pastaj merr vendimin e veshtire për ta publikuar

Mire qe nuk te shkoi në mendje të thoshe, se në 21 janar 2011, ke mbajtur në sup edhe Ziver Veizin, nga dera e kryeministrise deri te Spitali Ushtarak në Laprake.

U lodhe fratello u lodhe, te doli rryli i fytit, por ama ia mberrita dites, qe gjithe ai emision jubilar dhe kohe televizive, me shume mu kushtua mua, se Sali Berishes.

Per zotin, mbreme edhe “qytetari digital” eshte dhi duke qeshur me fantazine tende të shfrenuar”. /albeu.com/