Frank Wisner emërohet përfaqësues i SHBA-ve në bisedimet për Kosovën
Albeu.com
Shtetet e Bashkuara emëruan ambasadorin Frank Wisner si përfaqësues të posaçëm për bisedimet për statusin e Kosovës. Njoftimin e bëri Sekretarja e Shtetit Kondoliza Rajs."Anëtarët e Grupit të Kontaktit janë të përcaktuar se zgjidhja e kësaj çështjeje është kyçe për sigurimin e stabilitetit në Evropën juglindore", thuhet më tej në komunikatën e sekretares së shtetit.


Rajs gjithashtu e shfaqi shpresën se bisedimet për statusin e Kosovës do të zhvillohen në frymë të një "gatishmërie për të arritur marrëveshje për një varg çështjesh të rëndësishme për të ardhmen e Kosovës".
Njoftimi pasoi takimin që Rajs e zhvilloi me të dërguarin e posaçëm për statusin, Marti Ahtisaari, të hënën në Departamentin e Shtetit në Uashington.
Frank Uiesner ka shërbyer si ambasador amerikan në Egjipt, Indi, Zambi dhe Filipine.
Ndërkohë, po në Në Nju Jork, Marti Ahtisari, është takuar me sekretarin e përgjithshëm të Kombeve të Bashkuara, Kofi Anan. Siç ka bërë të ditur zëdhënësi i Ananit, gjatë takimit, Ahtisari e ka njoftuar shefin e tij për vizitat e fundit në rajon, takimet me zyrtarë të ndryshëm dhe me hapat e tjera që duhet ndërmarrë në të ardhmen. rtk
Shtuar më 20/12/2005, ora 21:15
Tage: arkiv

Shkruani komentin tuaj!
Të fundit nga kjo kategori