Mbrëmjen e sotme kryeministri Edi Rama pritet të zhvillojë një takim me naftëtarët e Ballshit.

Takimi është organizuar të mbahet në ambientet e Bashkisë së Fierit, ku kryeministri do të takohet me një përfaqësi prej 8 personash të deleguar nga naftëtarët.

Pjesë e përfaqësisë së punonjësve të Rafinerisë së Naftës në Ballsh janë disa prej grave greviste si dhe kreu i sindikatës së naftëtarëve, Sokol Dautaj.

Policia e Shtetit ka blinduar qytetin e Fierit, ku vërehen pika të FNSH-së në çdo aks rrugor.

Kujtojmë se takimi i sotëm mes kryeministrit dhe naftëtarëve vjen pas përfundimit të grevës së urisë së grave punonjëse të Rafinerisë në Ballsh.