Flet vlonjati të cilit i vunë tritolin në shtëpi: Më rrezikuan fëmijët
Pëlqej
Mbrëmjën e kaluar në Vlorë ndodhi një shpërthim tritoli në katin e 4 të një pallati.

Policia e Vlorës ka marrë në pyetje sot, Jovan Çelën, pronarin e shtëpisë në lagjen “Isa Boletini” në Vlorë, të cilit i shpërthyen tritol në derë në orën 3:20 të mëngjesit.

Mësohet se 43-vjecari punonte si zdrukthëtar dhe nuk ka qenë në shtëpi kur ka ndodhur shpërthimi, por aty ndodheshin fëmijët dhe gruaja e tij.

Gjatë dëshmisë së tij për rreth 5 orë në polici, ai ka deklaruar se nuk ka konflikte me njeri dhe nuk i di arsyet se pse i kanë vendosur tritol në banesë. Mësohet se lënda eksplozive është aktivizuar përmes fitilit dhe jo me komandim. /albeu.com/

Shtuar më 23/09/2018, ora 10:21
Shkruani komentin tuaj!
Të fundit nga kjo kategori