Fjalët e para të Ervin Matës: Ika i frikësuar
Ditën e sotme është vetëdorëzuar në polici, biznesmeni Ervin Mata i cili prej muajsh ishte në kërkim për vrasjen e ndodhur mbrëmjen e 4 tetorit të 2018 në ish-Bllok.

Nga kjo ngjarje mbeti i vrarë Fabjol Gaxha ndërsa u plagosën biznesmeni Ervin Martinaj dhe Eljo Hato.

Ndërkohë janë zbardhur edhe fjalët e para të Matës në polici:

“Nuk kam qëlluar me armë zjarri. Jam larguar i frikësuar pas të shtënave, por nuk kam qëlluar, mua më sulmuan”,- ka thënë Mata, duke mohuar kështu akuzat e hedhura ndaj tij.

Në burg vijon të jetë Ervin MArtinaj i cili nga përgjimet e bëra në telefonin e tij rezulton se ka thirrur shokët të afrohen me armë.

Nga ana tjetër janë lënë të lirë Geldo Hoti, Ajaks Boshnjaku, Redi Popesku, Fabiol Alushi u lanë të lirë pas arrestimit. I lirë u la edhe Eljo Hato, i plagosur bashkë me Martinajn.

Për sa i përket Ervis Martinajt policia bën me dije se ai mbahet në burg me akuzat “Vrasjes në rrethana të cilësuara, e mbetur në tentativë, e kryer në bashkëpunim” dhe “Mbajtje pa leje të armëve dhe municioneve luftarake”.

Shkak për ngjarjen, sipas dëshmive të administruara nga grupi hetimor, dyshohet të ketë qenë një borxh i pakthyer dhe prishja e pazareve të drogës.

Ndërkohë në kërkim mbetet i dyshuar kryesor për vrasjen, Merviol Bilo, gjithashtu në kërkim është edhe Eldi Dizdari.


Njoftimi i policisë së Tiranës për Matën:

Specialistët për Hetimin e Krimeve të Rënda ndaj Jetës në Drejtorinë Vendore të Policisë Tiranë ekzekutuan urdhërin e ndalimit për shtetasin:

E. M., 31 vjeç, banues në Tiranë.

Shtetasi E. M., është person i dyshuar për kryerjen e veprave penale të “Vrasjes në rrethana të cilësuara, e mbetur në tentativë, e kryer në bashkëpunim” dhe “Mbajtje pa leje të armëve dhe municioneve luftarake”, të parashikuara nga nenet 79 dh, 22, 25 dhe 278 të Kodit Penal.

Materialet i kaluan për veprime të mëtejshme Prokurorisë së Rrethit Gjyqësor Tiranë.
Shtuar më 02/03/2019, ora 16:45

Shkruani komentin tuaj!
Të fundit nga kjo kategori