Fizioterapistët e Kosovës akuzojnë kolegët shqiptarë për mashtrim
“Kryesia e Shoqatës së Fizioterapeutëve të Kosovës, akuzon Shoqatën shqiptare të Fizioterapisë për mashtrim. “Prej dy muajsh, sorollatet në Prishtinë për”gjoja” se do të organizojë Kongres të Fizioterapisë por individë të tillë, kanë për qëllim mashtrimin për përfitime materiale e personale”,-thuhet në njoftimin e tyre.

Sipas tyre, të njëjtët persona nuk kanë bërë asnjë bashkëpunim me Shoqatën e Fizioterapisë së Kosovës e cila është e licencuar në Ministrinë e Shëndetësisë dhe nuk kanë përkrahjen e institucioneve të vendit e as që janë konsultuar me to.

“Dëshirojmë të njoftojmë opinionin e gjerë, institucionet arsimore dhe shëndetësore, e në veçanti kolegët e fushës së Fizioterapisë që të mos bien pre e këtyre individëve të cilët përveç qëllimit të përfitimeve materiale, kanë për qëllim edhe përfitimin e bagazheve shkencore të aplikantëve, duke publikuar punimet e aplikantëve në revista shkencore si punime të këtyre organizatorëve mashtrues, gjë që ka ndodhur vitin e kaluar në të ashtuquajturin Kongres i I-rë i Fizioterapisë në Tiranë. Po ashtu të njëjtit persona mashtrojnë duke lëshuar Certifikata false dhe duke ju lënë participantëve të mbushin sipas preferencës individuale numrin e kredive të fituara nga Kongresi”,--thuhet më tej në deklaratën për shtyp. /albeu.com/
Shtuar më 17/10/2013, ora 14:28

Shkruani komentin tuaj!
Të fundit nga kjo kategori