Fiona Mclwham: Oferta e fundit e PS, premtuese
Pëlqej
Ambasadorja britanike në Shqipër, Fiona McIwham riafirmoi mbështetjen e fuqishme të Mbretërisë së Bashkuar për Zgjerimin dhe perspektivën e Shqipërisë në BE, por theksoi se, institucione demokratike të forta e të pavarura, janë jetike për progresin e mëtejshëm.

Ajo tha se "një shtet i vërtetë demokratik nuk mund të varet nga tekat e partive politike - të çfarëdo ngjyre apo çfarëdo qëllimi (te mirë ose jo) këta politikanët mund të kenë. Vendit i nevojiten institucione që sigurojnë një kontroll mbi politikat partiake, mbi Qeverinë, mbi individët, si dhe mbështetje dhe mbrojtje të interesave te qytetarëve shqiptarë ", u shpreh diplomatja.

Ajo gjithashtu vuri në dukje se reforma është e rëndësishme në trajtimin e "kulturës së perceptuar të mosndëshkimit, një ndjesi ku drejtësia dhe mundësia janë në dispozicion vetëm për disa, me lidhje te mira”.

Ambasadorja vuri në dukje se "përparim i mëtejshëm në reformat e mëdha nuk mund të arrihet pa një kulturë më konstruktive politike dhe dialogu". Ajo e përshkroi propozimin e fundit nga opozita, për hetimin e zgjedhjeve, si "një shenjë premtuese dhe një mënyrë e mundshme per te thyer ngërçin. Megjithatë, është ne dore te Shqipërisë dhe politikanëve Shqiptarë për të përcaktuar detajet dhe hapat e ardhshëm", theksoi ambasadorja.

McIwham shtoi se duke fajësuar njëri-tjetrin, nuk do rregullohet politika, nuk do përmirësohet jeta e Shqiptarëve të zakonshëm apo të përmirësohet reputacioni ndërkombëtar i Shqipërisë.
Shtuar më 22/11/2010, ora 20:33
Shkruani komentin tuaj!
Të fundit nga kjo kategori