E FUNDIT/ Zhbllokohet sfida, Inter-Atalanta (VIDEO)
Festohet sot Fitër Bajrami
Si në të tërë botën, edhe në Shqipëri, Kosovë, Maqedoni, Luginën e Preshevës, Mal të Zi dhe diasporë, besimtarët myslimanë u mblodhën sot nëpër xhamitë kryesore për të falur namazin e Bajramit.

Fitër Bajrami shënon përfundimin e agjërimit të muajitRamazanit dhe është dita e parë e muajit Sheual. Shumica e myslimanëve e festojnë këtë Bajram të paktën 3 ditë.

Bajrami është dita kur takohet forca e të pasurit me dobësinë e të varfërit në dashuri, mëshirë dhe drejtësi nga shpallja e qiellit, titulli i të cilës është zekati, bamirësia dhe lehtësimi, është dita kur gëzohen fëmijët duke luajtur dhe duke u argëtuar, dita kur gëzohen të varfërit duke iu lehtësuar jeta dhe duke shijuar komoditet, dita kur farefisi takohen në bamirësi dhe kujdes për njëri-tjetrin, dita kur muslimanët bashkohen në falje dhe vizita reciproke, dita kur miqtë i ripërtërinë urat e dashurisë dhe elementet e afërsisë, dita kur shpirti fisnik i harron gabimet e të tjerëve ndaj tij, bashkohet pas ndarjes, pastrohet pas përnjollosjes dhe e përshëndet pas injorimit.

Gjatë muajitRamazanit është sadakatul-fitri, lëmosha e obliguar për të dhënë gjatë muajitRamazanit. Fitri duhet të jepet para se të falet namazi i Bajramit, e nëse ndonjërit i kalon ajo kohë, atëherë ai sërish obligohet ta japë atë si kompensim.

Në Tiranë dhjetëra mijëra besimtarë myslimanë faljen e namazit të Bajramit për shkak të punimeve në sheshin “Skënderbej”, nuk e bënë në sheshin para xhamisë së ”Et’hem Beut”, por në bulevardin “Dëshmorët e Kombit”, përballë hotel Dajtit.

Gjatë paradites Komuniteti mysliman organizon një pritje për drejtuesit e lartë të shtetit të cilët do të përcjellin urimet e rastit.

Portali Albeu.com, ju uron të gjithë myslimanëve Gëzuar Festën e Bajramit. Paqe, lumturi dhe mbarësi!
Shtuar më 30/08/2011, ora 08:30

Shkruani komentin tuaj!
Të fundit nga kjo kategori