“Çfarë do të ndodhë me Bashën nëse protesta e PD dështon”
Gazetari dhe analisti, Blendi Fevziu, në një shkrim opinion botuar në faqen opinion.al bën një analizë për objektivat e protestës së PD-së.

Fevziu shkruan se Basha ka vënë një bast të fortë, por nëse protesta mbyllet pa qeveri teknike, atëherë ai do të jetë i humburi i madh dhe PD do të marrë kosto marramendëse në zgjedhje.
“Nuk ka asnjë dyshim që Basha ka vënë një bast të fortë. Nëse presioni i tij dhe i opozitës është i tillë që e detyron qeverinë të tërhiqet, atëherë ai ka fituar një betejë të madhe”, shkruan Fevziu.

Nëse ai ia arrin që faktori ndërkombëtar ta mbështesë dhe të kthejë kokën me seriozitet nga Shqipëria, sërish kjo është një fitore.

Por nëse PD tërhiqet pa arritur asgjë, kjo konsiderohet disfatë dhe mund të ketë kosto të mëdha për Bashën dhe PD në zgjedhjet e ardhshme. Ky është basti i vështirë i Bashës dhe ai po e luan këtë.
Liderët politike rriten dhe krijojnë personalitet vetëm përmes sfidave dhe basteve të vështira. Në këtë këndvështrim, vendimi për të protestuar, me çdo përfundim që të vijë do ta konsolidojë atë si lider politik”, tha ai më tej./Albeu.com/
Shtuar më 21/02/2017, ora 20:33

Shkruani komentin tuaj!
Të fundit nga kjo kategori