Erjon Isai kërcënon mediat: Në gjyq ata që flasin keq për Pandin tim
Erion Isa edhe pse humorist ka mësuar nga eprorët e tij politik se si t'ua mbyllë gojën mediave përmes shantazhit. Gjatë ditës së sotme në mediat online është shkruar duke iu referuar akuzave të demokratëve se ai si kryetar bashkia kishte punësuar në administratën e bashkisë një person që akuzohet se ka plagosur me thikë një person vetëm pse foli keq për të.

Isai thotë se nuk ka plagosje me thikë nga Pandi Cunge duke shantazhuar edhe mediat me gjyqe.

“As thikë, as plagosje, as për arsye banale, as për politikë, aq më pak për mua… apo më banale akoma, për fb, insta, snap… etj etj.

E vetmja plagosje e ndodhur në fakt, është ajo virutale, që nga gojët e shqyera të politikës përhapet nëpër gazeta dhe portale pa asnjë kujdes për të vërtetën që mund të gjendet lehtësisht në raportet e policisë.

Pandi Cunge, duhet dhe do të ndjekë me gjyq për shpifje, gjithë këtë “thertore” virtuale. Ndërsa s’duhet të ulë vrullin e punës në hapësirën e provës, që detyra kërkon”, shkruan ai.

Akuzat e PD
Sipas demokratëve, Pandi Cunge qëlloi disa herë me thikë një qytetar që kishte sharë Erion Isain në Facebook, gjë të cilën aktori i "Portokallisë" e mohon.
Shtuar më 03/08/2019, ora 15:38
Shkruani komentin tuaj!
Të fundit nga kjo kategori