Volodymyr Zelenskyy tha se do të mirëpriste një takim midis Kievit dhe Pekinit, pavarësisht se nuk shihte asnjë shenjë të një plani paqeje nga Kina.
Presidenti ukrainas e bëri këtë koment gjatë një konference të përbashkët në Kiev me kryeministrin spanjoll Pedro Sanchez.
Sanchez është lideri më i fundit që viziton Ukrainën përpara përvjetorit të luftës, pas vizitës së papritur të presidentit amerikan Joe Biden të hënën dhe paraqitjes së kryeministres italiane Giorgia Meloni të martën.
Deklarata e Zelensky se ai do të donte të takohej me përfaqësues kinez vjen pasi sekretari i përgjithshëm i NATO-s, Jens Stoltenberg tha se aleanca kishte parë shenja se Kina është gati të furnizojë Rusinë me armë.
Ai tha se kjo është arsyeja pse SHBA dhe aleatët e tjerë kanë qenë shumë të qartë, duke paralajmëruar kundër kësaj.
“Kina sigurisht që nuk duhet të mbështesë luftën e paligjshme të Rusisë”, tha Stoltenberg.
Kjo vjen mes shqetësimeve në rritje nga vendet perëndimore se Pekini po planifikon të armatosë Moskën kundër Ukrainës.
Presidenti kinez Xi Jinping pritet të mbajë një ‘fjalim paqeje’ nesër, një vit pas pushtimit rus. /albeu.com
