Vetëm pak orë para së Parlamenti shqiptar të mblidhet për votimin e ndryshimeve kushtetuese për heqjen e imunitetit, kongresmeni amerikan Eliot Engel ka ftuar klasën politike shqiptare të votojë këto ndryshime. Duke iu referuar Shteteve të Bashkuara të Amerikës, Eliot Engel, thotë në një intervistë për gazetën “Bota Sot” thotë se asnjë senator apo zyrtar atje nuk ka imunitet. Në këtë drejtim duke iu referuar kërkesës së BE për statusin kandidat të Shqipërisë në vjeshtën e këtij viti, Engel thotë se palët duhet të angazhohen për heqjen e tij, si rruga më e mirë për këtë proces.

“Siç e di unë në qoftë se miratohet ligji (pro amendimit të Kushtetutës për heqjen e imunitetit) për heqjen e imunitetit, BE-ja do t`a shohi atë si një sinjal pozitiv për Shqipërinë në BE. Perderisa BE thote keshtu mendoj se do jet pozitive edhe për Shqipërinë që t`a heqi imunitetin. Ne në SHBA ne nuk kemi imunitet, unë vetë nuk kam imunitet, asnje anëtar i Senatit, Kongresit apo zyrtar i lart nuk ka imunitet. Çdo anëtar i Kongresit, senatitit apo zyrtar i lart janë si çdo shtetas Amerikan, dhe në opinionin tim është më mirë që edhe në Shqipëri, të hiqet imuniteti. Unë nuk e di se ciliështë teksti i këtij ligji,mbasi unë nuk e kam parë, natyrisht që dhe nuk deshiroj të komentoj. Por, në qoftë se është e vërtet se BE-ja e shef këtë ligj me favor për një vend që e ka hequr imunitetin - kjo do të ndimoj Shqipërinë në integrimin në BE dhe do jete një hap pozitiv për Shqipërinë”u shpreh Engel.

Sa i përket marrjes së statusit kandidat në BE të Shqipërisë vjeshtën e këtij viti, Engel thotë se është në favor të këtij hapi, edhe në kuadër të 100 vjetorit të pavarësisë së Shqipërisë.

“Unë gjithmonë kam qenë në favor për statusin e kandidatit të BE-së për Shqipërinë, edhe këtë vjeshtë në 100 vjetorin e pavarësisë së së Shqipërisë. Unë dëshirojë të shohim Shqipërinë dhe Kosovën si anëtare të BE-së dhe anetare të NATO-s së bashku. Uë mendojë se BE-ja është e rëndësishme për Shqipërinë dhe Shqipëria duhet të jet në BE dhe pas Shqipërisë, edhe Kosova të jet në BE” tha ai.

Në intervistën e tij, Eliot Engel, ka komentuar edhe zhvillimet e dy dekadave të Shqipërisë, ndërsa ka vecuar faktin se gjatë viteve të fundit është bërë progres i konsiderueshëm në të gjitha fushat. Kongresmeni democrat, Eliot Engel, është një anëtar i lartë i Komitetit të Punëve të Jashtme të Dhomës së Përfaqësueve në Kongresin amerikan dhe kryetar i Grupit të Çështjeve Shqiptare.