Emri, kush është deputeti që mori dëmshpërblim për pasojat e tërmetit (FOTO LAJM)

Në listën e rreth 500 personave për të cilët u miratua dëmshpërblim për pasojat e tërmetit është edhe Enver Roshi, deputet i opozitës së re në Parlament.


Roshi ka marrë mandatin e deputetit nga lista e deputetëve të Lëvizjes Socialiste për Integrim.

Familjet e prekura marrin një shumë që varion nga 4.000 deri në 1.290.000 lekë si kompensim për dëmin e shkaktuar nga lëkundjet sizmike. Vendimi është marrë në mbledhjen e datës 3 dhjetor nga Këshilli i Qarkut Tiranë, shkruan Panorama.


Ndërkohë që po punohet lista e familjeve që mbështeten nga Bashkia e Tiranës pas fatkeqësisë natyrore të datës 26 nëntor në kryeqytet, Këshilli Bashkiak tashmë ka kopsitur listën e familjeve që përfitojnë para për të zhbërë dëmin e shkaktuar pas tërmetit të 21 shtatorit.

Shtuar më 05/12/2019, ora 23:35

Shkruani komentin tuaj!
Të fundit nga kjo kategori