Një i dënuar është vënë nën hetim, pasi një ditë më parë ka kërcënuar nga burgu për akte terroriste. Naim Behari, (Nikolas Kostandinos), i cili ndodhet në burgun e Fushë-Krujës, ka telefonuar dhe ka kërcënuar se do të bënte akte terroriste.

Ai vuan dënimin për "vrasje", ndërsa ka kërcënuar nga telefoni i burgut se do të kryente akte terroriste.

Si rezultat i monitorimit dhe punës së bërë nga Drejtoria e Antiterrorit, më datë 25 nëntor 2016, u referuan materialet në Prokurorinë e Krimeve të Rënda, për të dënuarin Naim Behari.

Ky shtetas akuzohet për veprën penale "Kanosja për kryerjen e veprave me qëllime terroriste". /albeu.com/