EMRAT/ “Plagosje e rëndë me dashje”, arrestohen 11 protestues
Pas dhunës që shpërtheu disa çaste më parë mes protestuesve të Unazës së Rë dhe policisë, këta të fundit kanë reaguar me të një njoftimi për mediat ku thuhet se janë arrestuar 11 persona.

Mes të arrestuarëve është edhe një 17 vjeçar. Sipas policisë shtetasit janë arrestuar për veprat penale “Plagosje e rëndë me dashje”, “Organizimi dhe pjesëmarrja në grumbullime dhe në manifestime të paligjshme”, “Prishje e rendit dhe qetësisë publike” si dhe “Goditja për shkak të detyrës”.


Njoftimi:
Policia e Tiranës pas përshkallëzimit të protestës përballë godinës së sallave plenare të Kuvendit të Shqipërisë, protestë e cila u përshkallëzua në akte dhune ku për pasojë u plagosën 12 punonjës policie, mes tyre dy në gjendje më të rëndë, si dhe u lënduan lehtë 3 protestues, informon se:

Shërbimet e Policisë Tiranë kanë shoqëruar 11 shtetas.

Nga tërësia e veprimeve të para hetimore të kryera nga specialistët për hetimin e krimit, nën drejtimin e Prokurorisë u bë arrestimi në flagrancë i tyre dhe konkretisht:

- Alban Ahmetcenaj, 36 vjeç;
- P. A., 17 vjeç;
- Fluturim Goleci, 30 vjeç;
- Rruzhdi Daci, 53 vjeç;
- Marsel Villari, 28 vjeç;
- Erjona Dozhani, 30 vjeç;
- Lulzim Dozhani, 45 vjeç;
- Dorjan Protoduari, 30 vjeç (i shpallur më parë në kërkim nga Kom. Pol. nr.6, për veprën penale “Organizimi dhe pjesmarrja në grumbullime dhe në manifestime të paligjshme”);
- Ali Nalic, 35 vjeç;
- Amarildo Sinanaj, 30 vjeç;
- Shpati Bilbili, 31 vjeç.

Arrestimi i tyre u bë për veprat penale “Plagosje e rëndë me dashje”, “Organizimi dhe pjesëmarrja në grumbullime dhe në manifestime të paligjshme”, “Prishje e rendit dhe qetësisë publike” si dhe “Goditja për shkak të detyrës”.

Njëkohësisht vijon puna për identifikimin dhe shoqërimin e personave të tjerë, të cilët gjatë protestës kanë ushtruar dhunë ndaj punonjësve të Policisë, si dhe kanë nxitur protestuesit për veprime të dhunshme.

Policia e Shtetit u bën thirrje protestuesve dhe përfaqësueve politikë për distancim nga dhuna dhe nga goditjet ndaj punonjësve të rendit.

Policia e Shtetit është e vendosur për të mos toleruar akte të tilla dhune ndaj punonjësve të Policisë si dhe për të mos lejuar më bllokimin e rrugës, duke penguar qarkullimin e lirë të qyetarëve dhe të automjeteve.
Shtuar më 22/11/2018, ora 15:08

Shkruani komentin tuaj!
Të fundit nga kjo kategori