EMRAT/ Ekstradohen nga Athina dy të dënuarit shqiptar
Interpol Tirana njofton se ka finalizuar ekstradimin nga Athina të dy shtetasve shqiptarë që ishin dënuar më parë në Shqipëri për vepra kriminale.

Sipas policisë bëhet fjalë për shettasin Ali Toskajn i cili ishte i shpallurkërkim ndërkombëtar nga Z.Q.K Interpol Tirana, pasi Gjykata e Rrethit Gjyqësor Vlorë me vendimin në vitin 2017 e ka dënuar me 16 vite burg për veprat penale "Vrasje me dashje, kryer në bashkëpunim, mbetur në tentativë", “Vjedhje me armë” dhe “Prodhim dhe mbajtje pa leje e armëve luftarake dhe municioneve".

Gjithashtu është ekstraduar edhe shtetasi G.B. i cili ishte i shpallurkërkim ndërkombëtar, pasi Gjykata e Shkallës së Parë Pogradec në vitin 2017, ka caktuar masën e sigurisë 'arrest me burg' për veprën penale," Dhunë në familje" parashikuar nga neni 130/a i Kodit Penal.


Njoftimi i plotë i policisë:
- Vijon bashkëpunimi me homologët për kapjen dhe ekstradimin e personave të shpallurkërkim për vepra të ndryshme penale.

Nga Specialistët e Interpol Tirana u krye ekstradimi nga Athina/Greqi drejt vendit tonë, i shtetasit shqiptar Ali Toskaj, 36 vjeç, lindur në Fier.

Shtetasi Ali Toskaj ishte i shpallurkërkim ndërkombëtar nga Z.Q.K Interpol Tirana, pasi Gjykata e Rrethit Gjyqësor Vlorë me vendimin në vitin 2017 e ka dënuar me 16 vite burg për veprat penale "Vrasje me dashje, kryer në bashkëpunim, mbetur në tentativë", “Vjedhje me armë” dhe “Prodhim dhe mbajtje pa leje e armëve luftarake dhe municioneve".

Gjithashtu, po nga Specialistët e Interpol Tirana u krye ekstradimi nga Athina drejt vendit tonë i shtetasit shqiptar G.B., 48 vjeç, pasi autoritetet Greke të drejtësisë kanë miratuar ekstradimin e tij, drejt vendit tonë.

Shtetasi G.B. ishte i shpallurkërkim ndërkombëtar, pasi Gjykata e Shkallës së Parë Pogradec në vitin 2017, ka caktuar masën e sigurisë 'arrest me burg' për veprën penale," Dhunë në familje" parashikuar nga neni 130/a i Kodit Penal.

Si rezultat i bashkëpunimit të Interpol Tirana me Interpol Athinë, u bë i mundur arrestimi i tyre në Greqi, duke u finalizuar me ekstradimin drejt vendit tonë. /albeu.com/

Shtuar më 25/04/2019, ora 10:58
Shkruani komentin tuaj!
Të fundit nga kjo kategori