E skualifikuan nga gara, Klevis Balliu kandidon për deputet tek LSI?
Lufta për "pushtet" la jashtë listës për deputet ish-deputetin Klevis Balliu dhe ish-kryetari e bashkisë Eduart Kapri.

Lufta e ashpër midis të dyve, për të përjashtuar një rival direkt për listën e mëtejshme, duket se ka qenë arsyeja që ata janë skualifikuar nga gara.

Balliu ka kërkuar ta heqë nga lista e mëtejshme ish-kryetarin e bashkisë Eduard Kaprin, duke e parë si rival potencial për zgjedhjet e 25 prillit, dhe të njëjtën gjë ka bërë edhe Kapri nga ana tjetër.

Kjo luftë midis tyre, bëri që të përjashtohen të dy nga listat. Por përtej kësaj, disa detaje kanë dalë në dritë.

Deputeti i opozitës parlamentare, Halit Valteri, në një intervistë për "Report TV" zbuloi se me përjashtimin e Klevis Balliut nga listat e PD-së, ai mund të futet në listat e partisë tjetër në opozitën e bashkuar, asaj të LSI-së.

Valteri tha se Klevis Balliu ka qenë ish-këshilltar i Ilir Metës, dhe për ketë mendon se ai do të jetë në listat e LSI-së në zgjedhjet e 25 prillit 2021.

"Me gjithë respektin për Klevis Balliun, mendoj se do gjejë vend tek LSI-ja dhe do të jetë te listat e saj. Do doja që të ishte pasi Klevisi është një politikan i ri dhe punëtor. Ai ka qenë këshilltar i Ilir Metës para se të bëhej deputeti i PD-së" tha Valteri.


Shtuar më 08/10/2020, ora 19:36

Shkruani komentin tuaj!
Të fundit nga kjo kategori