Një 54-vjeçar ka përfunduar në spital me plagë të rënda pas një sherri banal.

Policia ka arrestuar autorin e sulmit një 19-vjeçar nga fshati Bradashesh të quajtur Andrea Bodurri.

"Arrestimi i tij u bë pasi në fshatin Katundi i Ri, për motive të dobëta ka goditur me sende të forta në kokë shtetasin F.H., 54 vjeç, banues në fshatin Katundi i Ri ,i cili ndodhet në spital në gjendje të rëndë shëndetësore", sqaron policia lokale.

Materialet hetimore i kaluan Prokurorisë Paranë Gjykatës së Shkallës së Parë Elbasan, për veprën penale "Plagosja e rëndë me dashje".