Presidenti i federatës puthi në buzë lojtaren, fubollistet spanjolle nuk pranojnë të luajnë derisa Rubiales të tërhiqet

Rasti i Luis Rubiales po merr përmasa gjithnjë e më të mëdha në Spanjë. Presidenti i Federatës së Futbollit të Spanjës ka puthur në buzë Jenny Hermoso gjatë dhënies së Kupës së Botës në Australi dhe thjesht ka kërkuar falje.

Teksa të gjithë kërkonin dorëheqjen e tij dhe FIFA nisi hetimet, ai nuk dha dorëheqjen dhe foli për “gjueti shtrigash” dhe “vrasje sociale” ndërsa e quajti puthjen një gabim!

Kampionet e Botës pas refuzimit të dorëheqjes vendosën të abstenojnë nga të gjitha veprimet e kombëtares derisa Rubiales të largohet nga posti.

 

View this post on Instagram

 

A post shared by MARCA (@marca)

Në njoftimin që ata kanë lëshuar ka një deklaratë nga Hermoso ku ndër të tjera thuhet: “Dua të sqaroj se siç shihet në pamjet, në asnjë moment nuk kam dhënë pëlqimin për puthjen që më ka dhënë dhe sigurisht në asnjë mënyrë mos kërkoni të ngrini presidentin. Unë nuk toleroj që fjala ime të vihet në dyshim.”

Njoftimi është nënshkruar nga gjithsej 81 lojtare (të gjithë ata që janë thirrur në Kombëtare), duke përfshirë të gjithë yjet, si Puteillas, Carmona apo Parajuejo dhe mbetet për t’u parë se cili do të jetë zhvillimi i radhës në rast.

“Pas gjithçkaje që ndodhi gjatë ceremonisë së medaljeve në Kupën e Botës për femra, duam të themi se të gjithë lojtarët nënshkrues të kësaj letre nuk do të thirren në Kombëtare nëse drejtuesit aktualë vazhdojnë”, thonë ata në fund të njoftimit.


Shtuar 25.08.2023 21:33