E la e dashura, 20-vjeçari i jep fund jetës me fostoksinë
Një i ri vetëm 20 vjeç është vetëvrarë duke pirë fostoksinë.

Mësohet se i riu është 20-vjeçari Eneo Ferko banues në lagjen “Afrim i Ri” të qytetit të Fierit.

Sipas raportimeve të para i riu ka e ka kryer këtë akt vetëflijues pasi është ndarë nga e dashura.

Ai është gjetur nga nëna e tij në gjendje të rëndë, dhe pavarësisht dërgimit në spital, nuk mbijetoi dot.

Eneo ndërroi jetë në orët e para të mëngjesit të së martës në spitalin e Fierit.

Eneoja ishte duke jetuar një ndjenjë pasioni me një vajzë, me të cilën ishin lidhur prej vitit të kaluar.

Por, sipas disa dëshmive nga miq të tij, ata kanë pasur sherre të vazhdueshme kohët e fundit, gjë e cila ka bërë që para 10 ditësh ajo t’i thotë se nuk mund ta vazhdonte më këtë lidhje.

Megjithëse Eneoja i ka kërkuar të ndryshojë mendim, vajza duket të ketë qenë e vendosur për t’i shkuar deri në fund kësaj ndarjeje.

Në këto kushte, i riu e ka përjetuar keq këtë ndarje duke u zhytur në gjendje depresive, gjendje e cila e shtyu drejt vetëvrasjes.

Mësohet se Eneo, bashkë me të dashurën e tij, kishte tentuar të vazhdonin një jetë të re edhe në Itali. Të dy kanë jetuar për disa muaj në shtetin fqinj, por nuk arritën të ambientoheshin për shkak se i riu nuk e njihte mirë gjuhën italiane dhe kjo gjë e kishte penguar për të siguruar një vend pune.

Pas kthimit në Shqipëri, ai nisi të punonte në një fabrikë këpucësh, ku edhe punoi deri në ditën e fundit të jetës së tij. Eneo për disa vite ka qenë pjesë e Ansamblit “Myzeqeja”, e financuar nga Bashkia e Fierit, shkruan Panorama.

Plani i tij i fundit për të marrë pjesë në një videoklip për të siguruar disa të ardhura shtesë mbeti në letër, pasi i riu nuk e realizoi dot.

Prindërit e Eneos ishin divorcuar para rreth 10 vitesh dhe prej atëherë djali jetonte me nënën e tij. Kjo e fundit kujdesej që të birit të mos i mungonte asgjë, duke kryer punë të ndryshme deri te qëndismat. Së bashku me nënën jetonin në shtëpi me qira në periferi të Fierit. /albeu.com/


Shtuar më 05/07/2017, ora 11:57
Shkruani komentin tuaj!
Të fundit nga kjo kategori