Një ngjarje e rëndë është shënuar ditën e sotme në një shkollë në Shkodër.

Paraditen e sotme një bombul gazi ka shpërthyer në shkollën "Ndre Mjeda".

Burimet bëjnë me dije se shpërthimi i bombulës ka ndodhur në momentin ku po bëhej ndërrimi i saj.

Fatmirësisht ngjarja ndodhi gjatë pushimit të ndërrimit të turneve dhe nuk ka pasur nxënës të pranishëm në klasë.

Edhe vitin e kaluar në po të njëjtën shkollë ka patur një rast të ngjashëm me atë të sotmin. Shpërthimi ndodhi në klasën e parë të kësaj shkolle, por fatmirësisht pa asnjë të lënduar.