OBSH shpall emergjencën globale nga Koronavirusi
Bota ndodhet në një emergjencë globale! Coronavirus është shpallur një emergjencë globale nga Organizata Botërore e Shëndetit, pasi shpërthimi vazhdon të përhapet jashtë Kinës.

“Arsyeja kryesore nuk është ajo që po ndodh në Kinë por ajo që po ndodh në vendet e tjera,” tha shefi i OBSH-së Tedros Adhanom Ghebreyesus, duke bërë njoftimin në një konferencë për shtyp në Gjenevë.

Shqetësimi është se mund të përhapet në vendet me sisteme të dobëta shëndetësore.

Dr Ryan i OBSH tha që një ekip ndërkombëtar ekspertësh po mblidhej për të shkuar në Kinë dhe të punojë me ekspertë atje për të mësuar më shumë rreth mënyrës se si transmetohet sëmundja.

“Ne jemi në një nyje të rëndësishme në këtë ngjarje. Ne besojmë se këto zinxhirë transmetimi akoma mund të ndërpriten,” tha ai, transmeton BBC.

Shkencëtarët në Australi kanë arritur të rikrijojnë koronavirusin e ri jashtë Kinës, duke rritur shpresën se mund të përdoret për të zhvilluar një test të diagnozës së hershme.

Shtuar më 30/01/2020, ora 20:38

Shkruani komentin tuaj!
Të fundit nga kjo kategori