Koalicioni “Bashkë Fitojmë” ka paditur në Kolegjin Zgjedhor, Komisionin e Ankesave dhe Sanksioneve një ditë pas vendimit për të mos vendosur emrin e Sali Berishës krah koalicionit në fletën e votimit për zgjedhjet lokale të 14 majit.
Koalicioni kërkoi që përbri emrit “Bashkë Fitojmë” të vendosej si drejtues i koalicionit emri i ish-kryeministrit Sali Berisha, kërkesë që u hodh poshtë ditën e djeshme nga KAS, në vendimin e të cilit u bë i ditur se përbri emrit të koalicionit duhet të shkruhej emri i kreut të Partisë së Lirisë, Ilir Meta.
