Një shpërthim i fuqishëm tritoli ka ndodhur mbrëmjen e sotme në Shkodër, në lagjen “Tom Kola”.

Një ngjarje e rëndë ka ndodhur në Shkodër mbrëmjen e sotme. Në lagjen "Tom Kola" është hedhur në erë lokali i një gruaje, 46-vjeçare, Hana Fojleta.

Fatmirësisht nuk ka të lënduar në njerëz, por vetëm dëme materiale.

Njoftimi i policisë:

Rreth orës 20:50, në lagjen “Tom Kola”, Shkodër, përpara lokalit Bar kafe në pronësi të shtetases H. F. 46 vjeçe, banuese në lagjen Tom Kola Shkodër, ka shpërthyer lëndë plasëse, ku ka vetëm dëme materiale.

Po punohet me grup hetimor për sqarimin e rrethanave të kësaj ngjarje, identifikimin dhe kapjen e autorit/ve. /albeu.com/