Ishte në lidhje me një grua të martuar? Zbulohen detaje të reja nga ekzekutimi i të riut
Vetëm 3 ditë më parë në Tiranë u ekzekutua me armë zjarri shtetasi Vilson Tafçiu Noka, 28-vjeçar në zonën e Astirit.

Vetëm sot, autori i dyshuar i krimit është vetëdorëzuar në polici duke zbuluar detaje të reja nga ngjarja në fjalë.

Viktima Vilson Tafçiu Noka, dyshohet se po përjetonte një lidhje dashurie me një grua të martuar, detaj i cili mund të ketë shkaktuar edhe krimin e rëndë.

Burime nga grupi hetimor bëjnë me dije se mund të jetë “xhelozia” pista kryesore e krimit në Astir, ndërkohë nuk bëhet me dije lidhja e personit në fjalë me autorin e dyshuar të krimit, Noel Dishi.

Hetimet vazhdojnë ndërkohë theksojmë se Dishi, i vetëdorëzuar për ngjarjen në fjalë, ka deklaruar se nuk ka asnjë lidhje me ngjarjen. /albeu.com/


Shtuar më 23/01/2020, ora 18:47

Shkruani komentin tuaj!
Të fundit nga kjo kategori