Identifikohet autori, tre të arrestuar për vrajen e Nardit të Bujtinave
Policia e Shkodrës ka identifikuar autorin e vrasjes së Nard Polies pak ditë më parë në qytetin verior si edhe ka arrestuar tre bashkëpunëtorë të tyre.

Sipas policisë, këta persona rezultojnë se kanë ndihmuar vrasësin me mjete logjistike, armatime e deri tek strehimi, ndërsa pas një pune me metodat speciale të hetimit, u bë sigurimi i provave materiale dhe shkencore të cilat çuan në dokumentimin ligjor të kësaj ngjarjeje.

Mësohet se personat e arrestuar janë Gilbert Toma, Kleandro Toma dhe Alfred Martini, të identifikuar si ndihmës të vrasësit të Nard Polies.

Njoftimi i policisë
Shkodër Vijon puna për dokumentimin e plotë me prova ligjore të autorësisë së vrasjesshtetasit N. P., më datë 20.03.2019. Finalizohet operacioni “Step By Step”.

Në pranga tre bashkëpuntorët kryesorë të autorit të dyshuar të vrasjes. Shpallet në kërkim autori i dyshuar. Gjatë paradites së sotme, pas një pune të mirëorganizuar nga ana e D.V.P. Shkodër, në bashkëpunim me forcat Operacionale të D.P.P.

Shtetit Tiranë, dhe Prokurorinë e Rrethit Gjyqësor Shkodër, u bë finalizimi i operacionit “Step By Step” në lidhje me vrasjen e shtetasit N. P., ndodhur më datë 20.03.2019. Në këtë kuadër u bë ndalimi i shtetasve: – G. T., 26 vjeç, banues në lagjen “Skënderbeg”, Bashkia Shkodër. – K. T., 29 vjeç, lindur dhe banues në lagjen “Skënderbeg”, Shkodër. – A. M., 20 vjeç, banues në fshatin Bardhaj, Shkodër. Si dhe u bë shpallja në kërkim e shtetasit K. S., 27 vjeç dhe po punohet për gjetjen dhe kapjen e tij.

Pas hetimeve intensive të kryera nën drejtimin e Prokurorisë Shkodër, rezulton se shtetasit e lartpërmendur dyshohen se drejtpërdrejt me veprimet e kryera kanë mbështetur me logjistikë dhe armatim, ndjekur, strehuar, organizuar dhe kryer në bashkëpunim këtë vrasje. P

as një pune intensive, ndjekjeje me metodat speciale të hetimit, u bë sigurimi i provave materiale dhe shkencore të cilat çuan në dokumentimin ligjor të kësaj ngjarje.

Gjatë veprimeve hetimore u bë e mundur sekuestrimi i automjetit i cili është përdorur nga autorët për ndjekjen e viktimës, orientimin e ekzekutorit, kryerjen e vrasjes, djegien e motorrit dhe largimin bashkë me ekzekutorin.

Gjatë këtij operacioni janë sekuestruar 7 telefona, 17 fishekë të kalibrave të ndryshëm, targa të ndryshme automjetesh shqiptare dhe të huaja dhe dokumenta të ndryshme.

Vijon puna për zbardhjen e plotë të ngjarjes si dhe mbi motivin e kësaj ngjarje dhe identifikimin e personave të tjerë të përfshirë.

Materialet i kaluan Prokurorisë Pranë Gjykatës së Shkallës së Parë Shkodër, për veprën penale “Vrasje me paramendim e kryer në bashkëpunim” dhe “Prodhimit dhe mbajtes pa leje të armëve dhe municioneve luftarake”, parashikuar nga nenet 78-25 e 278 të Kodit Penal.
Shtuar më 25/03/2019, ora 14:14
Shkruani komentin tuaj!
Të fundit nga kjo kategori