Grabitet filiali i Kredo.al në Tiranë
Një grabitje ka ndodhur pak më parë tek kryqëzimi i Porcelanit në Tiranë.

Abcnews.al raporton se është grabitur filiali i një institucioni financiar privat.

Mësohet se ngjarja sapo ka ndodhur dhe një person apo disa persona kanë hyrë në pikën e Kredo.al duke marrë një sasi parash duke kërcënuar punonjësit.

Njoftimi i policisë

Tiranë/Informacion paraprak

Rreth orës 13:40, në rrugën “Bardhyl”, një shtetas ende i paidentifikuar dyshohet nën kërcënimin e armës, ka vjedhur një shumë parash në një filial të dhënies së kredive dhe është larguar me shpejtësi.

Në të gjitha hyrje-daljet e Tiranës, janë ngritur pika kontrolli, si dhe janë shtuar sherbimet ku po behet krehja e zonës.

Grupi hetimor vijon punën për zbardhjen e rrethanave të ngjarjes, me qëllim identifikimin e autorëve.
Shtuar më 23/01/2021, ora 13:57

Shkruani komentin tuaj!
Të fundit nga kjo kategori