Vrau kalin me çekiç dhe postoi videon në internet, nis procedimi për 53-vjeçarin nga Lushnja

Ka nisur procedimi penal për një 53-vjeçar nga Lushnja, pasi vrau kalin e tij, duke e goditur disa herë me çekan.

Duke mos u mjaftuar me veprimin mostruoz, Dritan Gjyla e hodhi videon e dhunimit në internet, por më pas u pendua dhe e fshiu. Ndërkohë, pamjet bënë xhiron e rrjetit.

“Specialistët për Hetimin e Krimeve të Komisariatit të Policisë Lushnjë referuan materialet në Prokurori dhe nisi procedimi në gjendje të lirë për shtetasin D. Gj., 53 vjeç, banues në Lushnjë, për veprën penale “Keqtrajtimi i kafshëve”, pasi ky shtetas është shfaqur në një video të publikuar në rrjete sociale, duke goditur me sende të forta, një kafshë shtëpiake (kalë)”, njofton policia.

 


Shtuar 24.05.2023 12:20