Flet autori i masakrës së Selenicës: Tregon çfarë e shtyu
Pëlqej
Autori i masakrës së Selenicës ka dhënë dëshminë e parë para forcave të rendit pasi u arrestua në një zonë me shkurre pranë fshatit të tij.

Ritvan Zykaj është shprehur se ishte i pirë dhe nuk mbante mend çfarë kishte ndodhur.

I pyetur për shkaqet e ngjarjes tragjike, ai shprehet se kushërinjtë e tij e akuzonin për çdo gjë të keqe që u ndodhte.

"Ata më akuzonin mua për çdo gjë që u ndodhte. Nuk mbaj mend gjë, kam qenë i pirë", është shprehur ai ndër të tjera.

Ndërkohë, pas testit të bërë sot fill pasi e arrestuan, në gjakun e tij nuk janë konstatuar sasi të mëdha alkooli ç'ka e rrëzon pretendimin se ishte i dehur. /albeu.com/
Shtuar më 11/08/2018, ora 10:40
Shkruani komentin tuaj!
Të fundit nga kjo kategori