Dolën në gjueti bashkë, shoku vret shokun me çifte
Një ngjarje e rëndë ka ndodhur në Dibër. Një i ri është vrarë me armë gjahu nga shoku i tij me të cilin kishte dalë për gjueti.

Policia njofton se shtetasi me iniciale R.XH teksa ka qenë për gjueti me shokun e tij shtetasin me iniciale G.K, e ka plagosur këtë të fundit me armë gjahu çifte.

Policia njofton se 27-vjeçari, banues në Maqellarë ka ndërruar jetë rrugës për në spital.

Po ashtu policia ka shoqëruar në Komisariat, për veprime të mëtejshme hetimore, si dhe kanë sekuestruar në cilësinë e provës materiale armën e gjahut çifte, 18-vjeçarin me iniciale R.XH.

Njoftimi i policisë:

Rreth orës 14:45, në vendin e quajtur “Malet e Obokut”, Maqellarë, shtetasit R. XH. dhe G. K, kanë qenë për gjueti. Shtetasi R. XH., 18 vjeç dyshohet se nga pakujdesia ka plagosur me armë gjahu çifte shtetasin G. K., rreth 27 vjeç, banues në Maqellarë, i cili ka humbur jetën në spital.

Menjëherë shërbimet e Policisë dhe grupi hetimor kanë shkuar në vendngjarje dhe kanë bërë shoqërimin e autorit të dyshuar në Komisariat, për veprime të mëtejshme hetimore, si dhe kanë sekuestruar në cilësinë e provës materiale armën e gjahut çifte.

Grupi hetimor, nën drejtimin e Prokurorisë, po vijon punën për zbardhjen e plotë të rrethanave të ngjarjes.
Shtuar më 17/12/2020, ora 16:07

Shkruani komentin tuaj!
Të fundit nga kjo kategori