Ndërsa presidenti rus Vladimir Putin mbush sot 70 vjeç, ai ka marrë një mesazh për ditëlindje nga aleati i tij dhe udhëheqësi i Koresë së Veriut Kim Jong Un.
Në mesazhin e tij, Kim vlerësoi sjelljen e liderit rus kundër “sfidave dhe kërcënimeve” nga SHBA dhe vlerësoi udhëheqjen e tij, sipas Agjencisë Qendrore Koreane të Lajmeve (KCNA).
Ai tha: “Sot, Rusia po mbron me besueshmëri dinjitetin e shtetit dhe interesat e saj themelore nga sfidat dhe kërcënimet e SHBA-së dhe forcave të saj vasale.
Një realitet i tillë është i paimagjinueshëm pa lidershipin tuaj të shquar dhe vullnetin e fortë”.
Udhëheqësi i Koresë së Veriut tha gjithashtu se lidhjet midis Phenianit dhe Moskës ishin “forcuar si kurrë më parë”
Mesazhi vjen disa muaj pasi Putin i shkroi Kim për të sugjeruar që të dy vendet të krijojnë lidhje më të ngushta.
Letra nga udhëheqësi i Kremlinit sugjeroi që dyshja të punonte për të “zgjeruar marrëdhëniet gjithëpërfshirëse dhe konstruktive dypalëshe me përpjekje të përbashkëta”, sipas KCNA.
