Policia e Tiranës ka vënë në pranga ditën e sotme 6 biznesmenë, pasi akuzohen se kanë përfituar përmes mashtrimit nga rimbursimi i TVSH-së
Arrestimi i tyre erdhi pas prokurori Ndin Tavani ka lëshuar 11 urdhër-arreste, ku 6 prej tyre janë ekzekutuar ndërsa janë shpallur në kërkim edhe 5 persona të tjerë.

Nga kjo skemë mashtrimi mësohet se shtetit i është shkaktuar një dëm prej 9 milionë dollarësh, ndërsa hetimet sapo kanë nisur dhe mendohet se dëmi të jetë edhe më i madh.

Hetimi në fjalë ka nisur pas denoncimit të drejtorisë së Tatime në prokurori për subjekte të ndryshme, pasi kishte dyshime se ata kishin falsifikuar faturat me qëllim përftimin e rimbursimit të TVSH-së.

Të arrestuar janë: Dhimitraq Çelo, Bujar Morataj, Shkëlqim Hasani, Ruzhdi Murataj, Nevroz Lami, Indrit Sulaj, ndërsa në kërkim janë shpallur: B.Gj M.MA. BS.K. /albeu.com/