E FUNDIT/ Aksident në Kamzë, vdes adoleshenti rrugës për në spital
Një aksident i rëndë ka ndodhur vetëm pak minuta më parë në Kamëz.

Ngjarja ka ndodhur minuta më parë në rrugën e quajtur “Donald Trump” ku një makinë e tipit “Benz” është përplasur me dy shtylla.

Njoftimi i policisë

Tiranë.

Informacion paraprak.

Më datë 17.09.2017, rreth orës 15:25, në Numrin e Emergjencave 112 ka ardhur një telefonatë për një mjet të përplasur me një shtyllë në Kamëz.

Në vendngjarje kanë mbërritur shërbimet e policisë dhe ambulanca ku nga verifikimi paraprak ka rezultuar se :

Në rrugën “Donald Tramp”, në Kamëz drejtuesi i mjetit tip “Benz”, shtetasi E.P.,15 vjeç, ka humbur kontrollin e mjetit ku për pasojë është përplasur me një shtyllë.

Si pasojë e përplasjes janë dëmtuar tre fëmijë, shtetasit E.B, 11 vjeç, K.T., 16 vjeç dhe K.C,. rreth 15 vjeç (të tre pasagjer në mjetin tip “Benz”).

Shtetasi K.C., rreth 15 vjeç ka ndërruar jetë rrugës për në spital, ndërsa dy të dëmtuarit e tjerë janë jashtë rrezikut për jetën.

Drejtuesi i mjetit është shoqëruar në ambientet e policisë për veprime të mëtejshme dhe grupi hetimor po punon për zbardhjen e shkaqeve dhe rrethanave të përplasjes. /albeu.com/

Shtuar më 17/09/2017, ora 16:19

Shkruani komentin tuaj!
Të fundit nga kjo kategori