Dyshimet e para, dy persona me motor e vranë Jurgen Kurtin
Detaje te reja nga ngjarja e rende qe u shenua mbreme ne Tirane, ku u ekzekutua në pritë poshtë shtëpisë 26- vjeçari Jurgen Kurti, i njohur si biznesmen, menaxher i VIP-ave dhe ish-model.

Dy persona që dyshohet se po e prisnin në hyrjen e pallatit, që ndodhet në rrugën “Zef Jubani”, mbrapa Postës nr.8 në Tiranë, e kanë qëlluar për vdekje me 3 plumba. Ngjarja ndodhi rreth orës 22:20, kur Jurgen Kurti po shkonte në shtëpinë e tij.

Policia zyrtarisht tha se ngjarja ka ndodhur në rrethana ende të paqarta. Megjithatë, burime nga grupi hetimor thanë se atentatorët dyshohet të kenë qenë dy persona që kanë lëvizur me motor, duke u larguar menjëherë nga vendi i ngjarjes.

Në moshën 23-vjeçare, ai kishte një shoqëri të regjistruar në QKR, që mban emrin “Albania Luxury Brands”. Kompania në fjalë merrej me 10 aktivitete të ndryshme biznesi. Por ishte më shumë e fokusuar te marketingu dhe distribuimi i produkteve të ndryshme, kryesisht turistike, organizim eventesh dhe paketash turistike.

Jurgen Kurti madje kishte sjellë në Shqipëri edhe reperin amerikan, Rick Ross. Sipas ekstraktit të QKR, Jurgen Kurti figuron aksioneri më i madh i kësaj shoqërie dhe administrator i saj.
Shtuar më 19/03/2019, ora 09:01

Shkruani komentin tuaj!
Të fundit nga kjo kategori