“Ndihmë po mbytemi, motorët janë fikur”, shpëtohet italiani dhe shqiptari që transportonin drogë me gomone
Ditën e djeshme është bërë e mundur ndërhyrja dhe shpëtimi i dy shtetasve të cilët janë rrezikuar nga flakët në gomone dhe dallgët e detit.

Bëhet fjalë për një ngjarje të ndodhur në Itali ku njëri nga personat e shpëtuar është vlonjati Alfred Gjondeda 54 vjeç ndërsa shtetasi tjetër është italiani Palma Francesco 39 vjeç.

Rreth orës 19:40 minuta të së premtes ata kanë telefonuar policinë për ndihmë dhe ndërhyrja e rojes bregdetare me anijen “Lissus” i ka shpëtuar ata por pa mundur të ankorojë mjetin lundures.

Sipas deklarimeve të tyre rezulton se kishin dalë për qef në det por Policia Kufitare ka dyshime se dy të ndaluarit janë pjesë e një trafiku narkotikësh ndërmjet Shqipërisë dhe Italisë.

39-vjeçari italian në momentin e shpëtimit ka patur dëmtime në gjymtyrët e poshtme si pasojë e djegies me benzol ndërsa pas evaukimit ai ka marrë ndihmën mjekësore dhe është jashtë rrezikut për jetën.

Gomonia me dy të shpëtuarit është pikasur 6 milje nga ishulli i Sazanit ndërsa dëmtimet e shumta që ajo kishte marrë e bënë të pamundur që mjeti lundrues të shpëtohej./albeu.com/

Shtuar më 04/02/2017, ora 11:01

Shkruani komentin tuaj!
Të fundit nga kjo kategori