Dy të rinj janë shpallur në kërkim nga policia, pasi në bashkëpunim kanë vjedhur lekët dhe një telefon në një banesë në Mamurras. Sebastjan Ajazi 20 vjeç dhe Xhuljan Dangaj 19 vjeç, që të dy nga Mamurrasi, janë shpallur në kërkim si të dyshuar për vjedhje.

Gjatë natës, ata kanë vjedhur banesën e shtetases me iniciale D.H., banuese në lagjen “Zef Hoti”, Mamurras, Kurbin. Të rinjtë kanë marrë 400 mijë lekë të reja dhe një telefon. Lidhur me këtë rast, materialet hetimore i kaluan Prokurorisë për veprën penale të “Vjedhjes”. /albeu.com/