Update - 19:01 - Kuvendi votoi në raundin e katërt të votimit për zgjedhjen e Presidenti të ri. Me 73 vota pro, 1 kundër dhe 3 të pavlefshme, Bujar Nishani është President i ri i Republikës së Shqipërisë.

18:50 - Kuvendi ka përfunduar procesin e votimit për kreun e ri të shtetit. Ndërkohë Sekretariati i votimit ka filluar numërimin e votave.

Për tu zgjedhur, Bujar Nishanit i duhen 71 vota. Kanë votuar gjithsej 76 deputetë (Mazhoranca 74 + Gazmend Oketa dhe Kastriot Islami).

18:27 - Deputeti socialist, i përjashtuar nga Grupi Parlamentar, Kastriot Islami, ndryshe nga deputetët e tjerë të PS-së, ka marrë pjesë në votimin në parlament për kandidaturën e Bujar Nishanit.

Zoti Islami ka qëndruar në sallë dhe ka pritur thirrjen e emrit për t'iu drejtuar kutisë së votimit. Votimi është i fshehtë por duke dëgjuar dekaratat e tij, besohet se vota ka qënë pro Bujar Nishanit për President të gjashtë të Republikës së Shqipërisë.

Votimi vijon.../albeu.com/


18:20 - Kreu dhe deputeti i PBDNJ-së, Vangjel Dule ka marrë pjesë në votimin për Presidentin e Republikës, ku kandidat është Bujar Nishani por kjo ka qënë vetëm formale.

Vangjel Dule është afruar pranë sekretariatit të votimit që drejtohet nga Viktor Gumi, ka marrë fletën dhe ashtu siç ka qënë, pa shkruar asgjë e ka hedhur të bardhë në kuti. Pra një votë nul, e pavlerë dhe më pas ka dalë nga salla e Parlamentit.

Kreu i PBDNJ-së është një përkrahës i hapur për Fatos Nanon si President dhe nuk e ka pranuar kandidimin e ministrit aktual të brendshëm, Bujar Nishani. /albeu.com/