Gazetarja Klodiana ka treguar në studion e emisionit “Opinion” dinamikën e vrasjes së Ardian Nikulaj këtë pasdite në Lezhë.
Gazetarja tregoi se i pranishëm në momentin e vrasjes ka qenë edhe vjehrri i gruas së parë të viktimës, duke qenë se Nikulaj jetonte me dy gra. Gjithashtu në lokal, por në pjesën e kuzhinës ka qenë dhe gruaja e tij e parë dhe disa punonjës.
“Ka qëlluar në kokë, në trup dhe katër plumbat e tjerë i ka qitur tek xhami”, u shpreh Lala duke e cilësuar Ardian Nikulajn një person kontravers që lidhte krimin dhe politikën.
“Ka qenë i dënuar për disa vepra të lehta penale. Problemi është që ka patur akuza ndaj tij. Pista e parë kryesore është ajo e një gjakmarrjeje, një prej tyre është fisi Lekstakaj, por familja e tyre ka 10 vite në Angli.
Lexo po ashtu
Njihej si person që balanconte grupet kriminale. Me Aleksandër Dedaj ka qenë mik i ngushtë dhe në njërin nga atentatet ndaj Aleksandër Dedaj ka qenë dhe Nikulaj. Ka sheshuar konfliktet mes Ndokës dhe Leksit të druve. Kishte lidhje të forta në Nikël dhe në këto zgjedhje ishte pozicionuar si mbështetës në koalicionin “Bashkë fitojmë”, u shpreh gazetarja./Opinion
