Dritan Gina i Elbasanit refuzon vendimin e Arta Markut: Nuk iki nga puna!
Ditën e sotme kryeprokurorja Arta Marku ka shkarkuar nga detyra prokurorin e Elbasanit Dritan Gina.

Ky shkarkim vjen vetëm pak ditë pas shkarkimit të bashkëshortës së tij nga Prokuroria e Tiranës Rovena Gashit.

Por pavarësisht vendimit të kryeprokurores Marku, Gina ka vendosur të reagojë ashpër duke deklaruar se refuzon t'a lërë postin.

Përmes një deklarate për shtyp kryeprokurori i Elbasanit Dritan Gina është shprehur se vendimi i Arta Markut është tërësisht antiligjor dhe se ai nuk do ta lërë postin në të cilin është komanduar në vitin 2016.

Reagimi i prokurorit të Elbasanit:

“Ky është një paralajmërim për të gjithë prokurorët që po hetojnë bandat dhe trafikantët, se mund të ketë pasoja në aspektin e tyre profesional.

Vendimi i Kryeprokurores, ashtu si edhe me kolegët e tjerë, i ka marrë pa asnjë motivacion dhe bazuar në asnjë raport. E dini ju që Kryeprokurorja nuk ka zhvilluar asnjë takim me prokurorët.

Duket qartë se Kryeprokurorja kërkon të njihet me gjendjen në organin e akuzës e nxitur vetëm nga retorika politike. Në aspektin profesional e shoh shumë shqetësues faktin se Prokuroria e Përgjithshme drejtohet nga persona politikë, jashtë institucionalë.

Në aspektin personal, nuk e kam aspak të lë detyrën pasi unë jam krenar që jam Prokuror i Tiranës, dhe prej më shumë se 1 viti Kryeprokuror i Elbasanit.

Unë nuk mund të zbatoj një vendim që është i bazuar në paligjshmëri dhe ndaj theksoj se refuzoj ta zbatoj atë. “ tha Gina mes të tjerave. /albeu.com/

Shtuar më 09/01/2018, ora 11:44

Shkruani komentin tuaj!
Të fundit nga kjo kategori