Drejtori i Antimafias italiane jep alarmin në Tiranë: Është trefishuar sasia e drogës nga Shqipëria
Drejtori i Antimafias italiane, Franko Roberti ka mbërritur në Shqipëri dhe gjatë një konference për median së bashku me kryeprokurorin Adriatik Llalla ngriti shqetësimin e shtimit të rasteve të trafikurt të drogës nga Shqipëria në Itali.

Gjatë fjalës së tij ai tha se është trefishuar sasia e drogës që është kultivuar në Shqipëri dhe kemi nevojë të kuptojmë se cili është motivi i rritjes së këtij trafiku.

"Trafikimi i lëndëve narkotike ka ardhur në rritje mes Shqipërisë dhe Italisë. Kemi nevojë që bashkë me kolegët shqiptarë të kuptojmë se cili është motivi i rritjes së këtij trafiku dhe në të njëjtën kohë çfarë mund të bëjmë për të përmirësuar strategjitë dhe bashkëpunimin”,- tha ai.

Duke folur për rritjen e bashkëpunimit me qëllim luftën e përbashkët, Roberti tha se institucioni që ai drejton ka caktuar edhe një gjykatës që do qëndrojë pranë Ministrisë së Drejtësisë.

“Italia ka treguar interes për të bashkëpunuar dhe në nominimin e një gjyqtari pranë Ministrisë së Drejtësisë. Interesi jonë është të verifikojmë si mund të bashkëpunojmë dhe lufojmë trafikun”,- shtoi ndër të tjera./albeu.com/

Shtuar më 23/02/2017, ora 13:26

Shkruani komentin tuaj!
Të fundit nga kjo kategori