Drejtorët e DAR do të zgjidhen përmes konkursit
Ministrja e Arsimit, Lindita Nikolla premtoi sot dhënien fund të militantizmit dhe korruptimit të shkolles përmes emerimeve pa kriter. Në një konferencë për shtyp, Nikolla njoftoi nisjen e procedurave të konkurrimit për Drejtor në Drejtoritë Arsimore Rajonale në të gjitha qarqet e vendit.

Ministrja njoftoi për zgjidhje të menjëhershme te kontratës se punes për 59 persona të implikuar në shkelje të hapur të ligjit”, përfshi 12 drejtues të DAR-ve.


“Ju nuk meritoni Drejtori Arsimore që ishin kthyer në çerdhe paaftësie, ku politika e korrupsioni vendosnin në emër të gjithçkaje dhe ku mungojnë të gjitha sistemet rregullatore dhe procedurat menaxhuese, madje edhe dokumentet themelore të mbarëvajtjes së punës.Vendimet/urdhrat e drejtorëve të DAR-ve, në shumicën e rasteve, janë të paargumentuara”- tha ajo.

Sipas saj, nuk ka urdhra për ngritje të komisioneve të vlerësimit të punonjësve, nuk ka vlerësime mbi bazë të dosjes personale; nuk ka proces-verbale të mbajtura për këtë qëllim, duke shkelur kështu parimin e barazisë për kandidatët, sepse kriteri i vetëm përzgjedhës ka qenë militantizmi dhe jo profesionalizmi. /albeu.com/
Shtuar më 21/10/2013, ora 15:49
Shkruani komentin tuaj!
Të fundit nga kjo kategori