Drejt një partie të re, Topalli i jep goditjen e radhës Bashës
Jozefina Topalli, ish-deputetja e PD, e ka akuzuar sërish kryetarin e opozitës, Lulzim Bashën, se ai po thellon ndarjen brenda partisë.

E pyetur sesi i gjykon vendimet e fundit të selisë blu për mbledhjen e Kuvendit Kombëtar më 28-29 prill për ndryshimet statuore, Topalli vërejti:

"Një farsë e re antistatuore që synon pastrimin përfundimtar të partisë nga demokratët.

Ndërkohë që siç thotë Berisha, Partia ka nevojë për bashkim, ajo që po bën Lulzim Basha është thellimi i ndarjes.

Problemi i PD nuk është statuti, sepse atë s'e ka respektuar kurrë Lulzim Basha, por humbja e thellë e PD, kriza e lidershipit, ilegjitimiteti dhe korruptimi i tij përballë qeverisjes më të keqe të këtyre 27 viteve"-tha Topalli për Report Tv. /albeu.com/

Shtuar më 09/03/2018, ora 13:49
Shkruani komentin tuaj!
Të fundit nga kjo kategori