Dosja Babale, PD hedh akuza ndaj prokurorisë
Partia Demokratike akuzoi Prokurorinë se ka penguar qëllimisht hetimin e plotë të dosjes "Babale".

Sekretari për Çeshtjet Ligjore, Çlirim Gjata, në një deklaratë për mediat tha se organi i akuzës duhet të kishte marrë të pandehur deputetin Balla, drejtorin e policisë së shtetit Ardi Veliu dhe ish-drejtorin e policisë së Fierit.

Pas publikimit të përgjimeve zyrtare Prokluroria duhet të merrte si të pandehur Taulant Ballën, Fatmir Xhafaj, Ardi Veliun, Albert Nushin, ky i fundit ka qenë drejtor deri para pak ditësh i drejtorisë së policisë Fier, dhe një sërë strukturash policore që kanë shërbyer për të manipuluar këtë ngjarje me qëllim shpëtimin e pushtetit të Edi Ramës dhe dënimin e opozitës që denoncoi këtë aferë.

Pushteti kriminal i Edi Ramës e sajoi dëshmitarin e rremë dhe e pagoi atë për të shpëtuar veten dhe për ta përdorur atë kundër opozitës. Prokuroria në shkelje të ligjit nuk ka zbardhur me qëllim disa përgjime ku dëshmitari i sajuar flet për Taulant Ballën dhe drejtorinë e policisë së shtetit, tha ne nje dalje per medita Gjata.
Shtuar më 24/03/2019, ora 12:54
Shkruani komentin tuaj!
Të fundit nga kjo kategori