Doli pro ndërtimit të kullave tek Teatri, Rama e bën aktorin drejtor
Aktori dhe regjisori Erion Isai është emëruar sot drejtor i ri i Kukullave.

Këshilli i Ministrave ka zyrtarizuar në mbledhjen e sotme emërimin e aktorit Erion Isai drejtorTeatrit të Kukullave.

Aktori në periudhën kur nisi debati për prishjen e Teatrit Kombëtar deklaroi se ishte pro shembjes dhe nuk ishte problem nëse do të kishte ndërtime pas tij.

"Arsyeja pse unë kam hequr dorë nga protesta e Teatrit Kombëtar është sepse tashmë është kthyer në çështje politike.

Dalin dhe flasin për një politikë të përgjithshme , marrin përsipër të flasin edhe për arkitekturë, janë bërë edhe arkitektë.

Pastaj shkojnë dhe futen në zyrë të kryetarit të opozitës, gjë që mua nuk më duket normale.

Unë nuk di që ndonjë nga 2 sindikatat të ketë kërkuar takim me kryeministrin dhe ai të ketë thënë jo.

Nuk ka ndonjë gjë të shkosh te lideri i opozitës, por ai nuk ka fuqi vendimmarrëse dhe ndaj nuk mund të jesh selektiv, të shkosh te njëri dhe jo tek tjetri.

Unë e përmenda kreun e opozitës sepse edhe kur ishte në pushtet e vetmja gjë për të cilën ndërhynte ishte për të punësuar aktorë brenda Teatrit Kombëtar, dhe nuk është interesuar ndonjëherë për kushtet e Teatrit", ishte kjo deklarata e Isait.

Isai është një ndër aktorët të cilët janë angazhuar vazhdimisht me Partinë Socialiste. /albeu.com/

Shtuar më 31/05/2018, ora 16:39
Shkruani komentin tuaj!
Të fundit nga kjo kategori