Një aksident tragjik ka ndodhur në Itali ditën e sotme, ku një shqiptar, i cili po futej në makinën e tij është shtypur për vdekje nga një mjet tjetër.
Aksidenti ka ndodhur në momentin që viktima Ndriçim Gjuzi, 49 vjeçar, doli nga makina për të kontrolluar dëmtimin e mjetit të tij pas një përplasjeje nga ana e pasme që ndodhi rreth mesnatës së Pashkëve, në autostradën A9 Lainate-Como-Chiasso, në seksionin Gerenzano.
Në atë moment Gjuzi është përplasur nga një makinë e tretë, e cila ka mbërritur në atë moment, duke e lënë të vrarë në çast para syve të partneres dhe fëmijës.
49- vjeçari, me origjinë shqiptare, banues në zonën e Salernos, ishte nisur drejt Milanos dhe udhëtonte me të shoqen 41-vjeçare dhe vajzën 4-vjeçare në momentin e përplasjes.
Policia rrugore e koordinuar nga Prokuroria Publike Busto Arsizio. P.P. po punon për zbardhjen e ngjarjes./albeu.com
