Bizneset e Kosovës që kalojnë tranzit mallrat e tyre nga Shqipëria, nuk do të kryejnë procedura doganore në doganat shqiptare. Unifikimi i sistemeve elektronike doganore mes Shqipërisë dhe Kosovës u lehtëson procedurat, kohën dhe koston biznesve të dy vendeve.


"Problemi që ne do të zgjidhim ka të bëjë me mundësinë e ndërveprimit të të dy sistemeve, duke mundësuar unifikimin e mundësisë së kryerjeve të procedurave doganore, kryesisht në tranzit. Pasi mallrat që vijnë në drejtim të Kosovës vijnë në portin e Durrësit, të mundësojnë që pasi të kryejnë veprimet e para doganore në Durrës të tranzitohen në qytetet e Kosovës, pra, të mos kemi ndalesa në Morinë, të mos kemi radhë të gjata, të mos kemi humbje kohe. Ndryshe lexohet dhe rritje e kostos për biznesin", u shpreh në një intervistë për AS Flamur Gjymishka, Drejtor i Përgjithshëm i Doganave. /albeu.com/