Një incident ka ndodhur në emisionin “Open” të gazetares Eni Vasili. Për të diskutuar për prishjen e banesate tek Astiri kanë qenë përfaqësues të opozitës, medias e maxhorancës, por këta të fundit janë larguar sapo emisioni ka filluar.

Përfaqësuesit e qeverisë janë larguar nga tryeza e debatit pasi në studion si publik ishin banorët e Unazës së Re, të cilëve u janë prishur shtëpitë.

Por sapo në studio ka hyrë një grup i banorëve të Astirit, janë larguar të dy përfaqësuesit e qeverisë.

Në studio ka mbetur gazetari Andi Bushati dhe zyrtari i PD-së, Jamarbër Malltezi.