Kuvendi i Shqipërisë ka nisur sot seancën e radhës ku po diskutohet projektligji "Për tatimin mbi të ardhurat". Në fjalën e tij Ministri i Financave, Ridvan Bode deklaroi se ligji për të ardhurat është ligji modern kurse taksa progresive është metodë e vjetër.

“Ky ndyshim reflekton të kundërtën e asaj që pretendojnë disa të majtë që mundohen të gjejnë shpirtrat e vdekur duke theksuar se në vend kanë 1.2 milionë të papunë. Ky ligji është nga më modernët i cili është përqafuar anembanë botës. Ai është më funksionali dhe më efikasi për eleminimin e barazive që sjell ekonomia e tregut” ka theksuar Bode

Ndërsa deputeti i PS-së Arben Ahmetaj e cilësoi taksën e sheshtë si taksë varfërie. “Sipas taksës sonë progresiste që ju e hodhët poshtë kryeministri Berisha do të duhej të paguante më shumë nga sa paguan tani ndërsa 4 infermierë paguajnë në 10 vjet 20 milionë lekë më shumë” u shpreh Ahmetaj. Ndërkohë që deputetja Mimi Kodheli u shpreh se në deklarimin e të ardhurave mbetet problem zbatimi i ligjit. /albeu.com/