Dhunoi administratorin në Dibër, arrestohet Dritan Selishta
Shërbimet e Policisë Dibër, mbi bazën e informacioneve të marra në rrugë operative për vendodhjen e shtetasit të shpallur në kërkim policor, Dritan Selishta, kanë organizuar menjëherë punën për kapjen e tij.

Rreth orës 13:00, në fshatin Brezhdan, njësia Administrative Tomin, në afërsi të banesës së tij, shërbimet e policisë kanë bërë kapjen e shtetasit të shpallur në kërkim policor Dritan Selishta, 34 vjeç, banues në fshatin Brezhdan, Dibër, person me preçedent të mëparshëm kriminal.

Ky shtetas ishte i shpallur në kërkim policor si autor i dyshuar i ngjarjes së ndodhur me datë 08.09.2016, në fshatin Pilaf, njësia Administrative Tomin.

Ky shtetas dyshohet se ka goditur me grushte dhe sende të forta Administratorin e njësisë Administrative Tomin, shtetasin N.M, 58 vjeç.

Shërbimet e policisë kanë bërë shoqërimin në ambientet e policisë Dibër të shtetasit Dritan Selishta, ku në bashkëpunim me Prokurorinë do të kryejne veprimet e mëtejshme në lidhje me këtë ngjarje. /albeu.com/

Shtuar më 10/09/2016, ora 14:11

Shkruani komentin tuaj!
Të fundit nga kjo kategori