Dhuna, kumari dhe xhelozia: Çfarë deklaroi në polici gruaja që vrau burrin në Milot
Violeta Donaj qëlloi dje me armë zjarri katër herë dje ndaj bashkëshortit të saj Kujtim Donaj duke i shkaktuar tre plagë, të cilët i morën edhe jetën.

Në dëshminë e saj të dhënë në polici, 35-vjeçarja ka thënë se shkak për vrasjen e tij ishte dhuna në familje si edhe fakti se ish-bashkëshorti sipas saj luante shumë bixhoz duke sjellë probleme të theksuara ekonomike në familje.

Ngjarja ndodhi dje gjatë orëve të para të mëngjesit në tregun e Milotit ku çifti shiste rroba të përdorura.

Fillimisht ishte Kujtimi ai që erdhi në treg dhe pas tij Violeta me një pistoletë me vete.

"Luante bixhoz, shpenzonte shumë para dhe ishte xheloz për mua, ndaj dhe e vrava, pasi nuk po gjeja zgjidhje tjetër. E kam qortuar disa herë, por ai nuk i merrte në konsideratë fjalët e mia", është shprehur ajo para oficerëve të policisë gjyqësore.

Dëshmitarët tregojnë se ai i kishte kërkuar bashkëshortes një 1 000 lekësh, të cilin e kishte humbur në lojëra fati duke shkaktuar kështu konfliktin, i cili rezultoi fatal për Kujtimin. /albeu.com/

Shtuar më 18/06/2018, ora 10:17

Shkruani komentin tuaj!
Të fundit nga kjo kategori